ඉදිරියේ දී අපොස සාමාන්ය පෙළ විභාගය 10 ශ්රේණියේ දී පැවැත්වීමට ඇති හැකියාව පිළිබඳ මේ වනවිට සොයා බලමින් සිටින බව අධ්යාපන අමාත්ය සුසිල් ප්රේම්ජයන්ත් පවසනවා.
ආරම්භක යුගයේ දී සාමාන්ය පෙළ විභාගයට සිසුන් මුහුණ දුන්නේ 10 ශ්රේණියේ දී වුවත් පසුකලක දී එය 11 වසර දක්වා වසරකින් දිගු වූ බවයි කොළඹ රාජකීය විද්යාලයේ පැවැති උත්සවයකට සහභාගී වෙමින් අමාත්යවරයා සඳහන් කළේ.
ඒ අනුව 10 ශ්රේණියේ දී සාමාන්ය පෙළ විභාගය පැවැත්වීමට ඇති හැකියාව පිළිබඳ මේ වනවිට අදාළ පාර්ශවයන් සමග සාකච්ඡා කරමින් සිටින බවත් ඉදිරියේ දී අධ්යාපන පරිවර්තනයේ දී මෙම කටයුත්ත පිළිබඳව ද සලකා බැලීමට නියමිත බවද අමාත්යවරයා සඳහන් කළා.
කෙසේ වෙතත් මෙම කාර්යය එක්වර සිදුකළ නොහැකි බවත් 1, 6 හා 10 ශ්රේණිවලින් ආරම්භ වන සේ ප්රාථමික, කණිෂ්ඨ ද්විතීයක සහ ජ්යෙෂ්ඨ ද්විතීයක වශයෙන් වූ වර්ගීකරණ අවස්ථා තුනක් යටතේ සිදුකිරීමට අපේක්ෂා කරන බවයි අධ්යාපන අමාත්ය සුසිල් ප්රේම්ජයන්ත් වැඩිදුරටත් සඳහන් කළේ.
