ශ්රී ලංකාවේ ආර්ථික ස්ථාවරත්වය වෙනුවෙන් අයවැය සහායක් ලෙස ආසියානු සංවර්ධන බැංකුව (ADB) විසින් ඩොලර් මිලියන 350 ක විශේෂ ණය මුදලක් අනුමත කර ඇත.
මෙම ණය මුදල අන්තර්ජාතික මූල්ය අරමුදලේ විස්තීර්ණ අරමුදල් පහසුකම මගින් ශ්රී ලංකාවට ලබාදුන් මූල්ය පහසුකමට සමගාමීව අනුමත කෙරුණු මූල්ය පහසුකමක් බව ADB ප්රකාශ කරයි.
මෙම ණයය පහසුකම සම්බන්ධයෙන් අදහස් දක්වන ADB සභාපති මසට්සුගු අසකාවා(Masatsugu Asakawa) මෙසේ ප්රකාශ කර ඇත.
“රටේ පවතින ගැඹුරු අර්බුදය සහ ශ්රී ලංකාවේ ජනතාවට, විශේෂයෙන්ම දුප්පතුන්ට සහ අවදානමට ලක්විය හැකි අයට, විශේෂයෙන්ම කාන්තාවන්ට එහි බලපෑම ගැන ආසියානු සංවර්ධන බැංකුව සැළකිලිමත් වෙනවා. ආර්ථික ස්ථායීකරණය, තිරසාර ප්රකෘතිමත් වීම සහ සියල්ලන් ඇතුළත් කර ගැනීම සඳහා වත්මන් අභියෝගවලට මුහුණ දෙන අතර ශ්රී ලංකාව සමඟ නැගී සිටීමට ආසියානු සංවර්ධන බැංකුව කැපවී සිටිනවා.”
