පවතින වැසි සහිත කාලගුණික තත්ත්වය හේතුවෙන් දිවයිනේ ප්රදේශ කිහිපයකට ජාතික ගොඩනැගිලි පර්යේෂණ සංවිධානය විසින් පළමු අදියරේ නායයෑම් අවදානම් නිවේදන නිකුත් කර තිබෙනවා.
ඒ අනුව ගාල්ල දිස්ත්රික්කයේ ඇල්පිටිය හා නාගොඩ යන ප්රාදේශීය ලේකම් කොට්ඨාසවලටත් කළුතර දිස්ත්රික්කයේ දොඩම්ගොඩ, අඟලවත්ත,මතුගම, වලල්ලාවිට යන ප්රාදේශීය ලේකම් කොට්ඨාසවලට මෙලෙස නායයෑමේ අනතුරු ඇඟවීම් නිකුත් කර ඇති බවයි සඳහන් වන්නේ.
එසේම කෑගල්ල දිස්ත්රික්කයේ දෙහිඕවිට, බුලත්කොහුපිටිය, යටියන්තොට සහ දැරණියගල යන ප්රාදේශීය ලේකම් කොට්ඨාසවලටත් මාතර දිස්ත්රික්කයේ පස්ගොඩ සහ පිටබැද්දර යන ප්රාදේශීය ලේකම් කොට්ඨාසවලටත් රත්නපුර දිස්ත්රික්කයේ ඇහැළියගොඩ ප්රාදේශීය ලේකම් කොට්ඨාසයටත් අදියර එක යටතේ විමසිලිමත් බවෙන් සිටින ලෙස නිවේදනයක් නිකුත් කර තිබෙනවා.
