ඉදිරියේ දී එක් පාසල් වාරයක් සඳහා එක වැඩ පොතක් වන සේ වාර තුන සඳහා පාසල් වැඩ පොත කොටස් තුනකින් යුතුව සිසුන්ට ලබා දෙන බව අධ්යාපන අමාත්ය සුසිල් ප්රේම්ජයන්ත් පවසනවා.
ඒ අනුව 2024 වර්ෂයේ සිට මෙය ක්රියාත්මක කරන බවත් 2024 වර්ෂයේ පළමු වසරෙන් ආරම්භ වන සියලු ශ්රේණි සඳහා වාර විභාග අඩුකර වසරකට එක් විභාගයක් පමණක් පවත්වන බවද අමාත්යවරයා සඳහන් කළා.
එසේ සිදුකළ හැකි වුවහොත් සෑම පාඩමක් හෙවත් මොඩියුලයක් අවසානයේ තක්සේරුකරණයක් හරහා ලකුණු පරිගණක සටහන් ලෙස වාර්තාගත කර තබා වසර අවසානයේ විභාග ලකුණුවලට එකතු කරන බවයි අමාත්යවරයා සඳහන් කළේ.
එහිදී ආරම්භයේදී විභාග ලකුණු 70%ක් හා මොඩියුලයේ ලකුණු 30%ක් වශයෙන් සැලකෙන නමුත් ක්රමයෙන් එය 50%ක් දක්වා සමාන ලකුණු පරාසයකට ගෙන ඒමට නියමිතයි.
මේ ක්රමවේදය ක්රියාත්මක වීමේ දී පාසල් පැමිණීම, රැඳීසිටීම හා එදිනෙදා පන්තියේ වැඩකිරීම අනිවාර්ය වන බැවින් අමතර පන්තියෑමට අවකාශයක් හෝ අවශ්යතාවක් පාසල් සිසුන්ට ඇති නොවන බවයි අධ්යාපන අමාත්ය සුසිල් ප්රේම්ජයන්ත් වැඩිදුරටත් සඳහන් කළේ.
