පවතින අයහපත් කාලගුණයත් සමඟ ප්රදේශ කිහිපයකට නායයෑමේ පූර්ව අනතුරු ඇඟවීම් නිකුත් කර තිබෙනවා.
ඒ අනුව ගාල්ල, කළුතර, බදුල්ල යන දිස්ත්රික්ක සඳහා මෙම නායයෑමේ පූර්ව අනතුරු ඇඟවීම් නිකුත් කර ඇති බවයි ජාතික ගොඩනැගිලි පර්යේෂණ ආයතනය සඳහන් කළේ.
ගාල්ල දිස්ත්රික්කයේ නෙලුව, නාගොඩ හා ඇල්පිටිය ප්රදේශ සඳහාත් කළුතර දිස්ත්රික්කයේ පාලින්දනුවර, වලල්ලාවිට, අගලවත්ත හා බුලත්සිංහල යන ප්රදේශ සඳහා මෙම නායයෑමේ අනතුරු ඇඟවීම් නිකුත් කර තිබෙනවා.
එසේම බදුල්ල දිස්ත්රික්කයේ පස්සර ප්රදේශය සඳහාත් මෙම නායයෑමේ පූර්ව අනතුරු ඇඟවීම් නිකුත් කර ඇති බවයි වැඩිදුරටත් සඳහන් වන්නේ.
