මෙරට රිලවුන් ලක්ෂයකට අධික සංඛ්යාවක් ඉල්ලා ඇත්තේ, චීන සත්ව අභිජනන සමාගමකින් යැයි කෘෂිකර්ම අමාත්යංශයේ ලේකම් ගුණදාස සමරසිංහ පැවසීය.
එම සමාගම මෙරටින් රිලවුන් ඉල්ලා ඇත්තේ, අභිජනන කටයුතු සඳහා බව ද ඔහු සඳහන් කළේ ය.
කෙසේ වෙතත් මෙය තවමත් ඉල්ලීම් මට්ටමේ පවතින්නක් යැයි ද හෙතෙම පැවසීය.
මේ සම්බන්ධයෙන් අදාළ පාර්ශව දැනුවත් කර ඇති බව ත් ඔහු කීය.
ඒ පිළිබඳව තවමත් කිසිදු තීරණයක් ගෙන නොමැති බව ත් කෘෂිකර්ම ලේකම්වරයා අවධාරණය කළේ ය.
ඒ සම්බන්ධයෙන් කිසියම් තීරණයක් ගැනීමට පෙර ජනතාව පරිසරවේදීන් සහ ක්ෂේත්රයේ ප්රවීණයන් ඇතුළු පාර්ශව කිහිපයක අදහස් ලබා ගැනීමට කටයුතු කරන බව ද හෙතෙම පැවසීය.
රිලවුන් ඉල්ලා ඇති සමාගමේ නීත්යනුකූලභාවය, දෙරටේ වනජීවී නීති ඇතුළු කරුණු අධ්යයනය කෙරෙන බව ද ඔහු කීය.
