කීර්තිමත් ශ්රී ලංකා ක්රිකට් ක්රීඩක රොෂාන් මහානාම හට පසුගියදා නවසීලන්තයේ ඕක්ලන්ඩ් හි පැවති 2023 කීර්තිමත් ක්රීඩා, ප්රජා, කලා සහ සංස්කෘතික සම්මාන ප්රදානෝත්සවයේදී විශේෂ අනුස්මරණ සම්මානයක් පිරිනැමිණි.
රොෂාන් මහානාම ක්රිකට් ක්රීඩාවට කළ විශිෂ්ට දායකත්වය සහ රොෂාන් මහානාම භාරය හරහා ඔහු කළ විශිෂ්ට ප්රජා සේවය වෙනුවෙන් ඔහු මෙම උත්සවයේදී ඇගයීමට ලක් විය.
දකුණු ඕක්ලන්ඩ් හි Papatoetoe හි ස්වාමිනාරායන් සංකීර්ණයේ පැවති මෙම උත්සවයට 650 කට අධික පිරිසක් පැමිණ සිටියහ.
මෙම උත්සවයේදී ක්රීඩා, කලා, සංස්කෘතිය සහ ප්රජා ප්රයත්නයන් හි විශිෂ්ටතා දැක්වූ දකුණු ආසියාතික ප්රජාවේ පුද්ගලයන් 65 දෙනකු සැමරීම සහ උපහාර දැක්වීම සිදුවිය.
සම්මානය ලබා ගැනීම පිළිබඳව සිය කෘතඥතාව පළ කළ රොෂාන් මහානාම, “මෙම ගෞරවනීය සම්මානය ලැබීම ගැන මම අතිශයින් නිහතමානීව ආඩම්බර වෙනවා. රොෂාන් මහානාම භාරය හරහා මගේ මානුෂීය ප්රයත්නයන් දිගටම කරගෙන යාමට මගේ අධිෂ්ඨානය එය ශක්තිමත් කරයි. මෙම අභියෝගාත්මක කාල වකවානුවේදී ශ්රී ලංකාවේ ජනතාව කෙරෙහි දක්වන විශ්වාසය සහ නොසැලෙන සහයෝගය වෙනුවෙන් මම උත්සව සංවිධායකයින්ට සහ නවසීලන්ත ජනතාවට මගේ හෘදයාංගම ස්තුතිය පුද කරමි.” යැයි සඳහන් කර ඇත.
